Моладзевы актывіст Антон Усьцімчук выйшаў на волю

07.06.2007. Тэгі: Усьцімчук.
Крыніца: Радыё «Свабода».

Пасьля 5 сутак арышту моладзевы актывіст Антон Усьцімчук 6 чэрвеня выйшаў на волю. У турму актывіст папрасіўся сам — калі б ён не адседзеў прызначаных сутак, у яго маглі ўзьнікнуць праблемы. Хлопец зьбіраецца зарэгістравацца прыватным прадпрымальнікам і прайсьці тэставаньне ў адну з вышэйшых навучальных ўстановаў Магілёва.

Антона Ўсьцімчука суд Ленінскага раёну Магілёва яшчэ 26 сакавіка пакараў 7 суткамі адміністрацыйнага арышту — нібыта за дробнае хуліганства. Да суду актывіст двое сутак праседзеў у ізалятары.

У ізалятары Антон Усьцімчук вучыў ангельскую мову, мыў разам зь іншымі зьняволенымі посуд, а таксама прыбіраў сьмецьце на тэрыторыі ізалятару. Сукамэрнікамі актывіста былі сямейныя дэбашыры, алькаголікі ды бамжы.

У няволю Антон Усьцімчук больш ня хоча.

Дадаць камэнтар

Камэнтары