Навіны на тэму: рэлігія
17.06.2008 Айца Леаніда Акаловіча аштрафавалі
Сьвятара прызналі вінаватым ва ўдзеле ў несанкцыянаваным сходзе і прысудзілі яму штраф у памеры 30 базавых велічынь — гэта болей за мільён рублёў. Такі прысуд вынес судзьдзя Сяргей Епіхаў. Пасьля суду Леанід Акаловіч накіраваўся дадому ў Менск.
17.06.2008 Сьвятара судзяць за ўсталяваньне крыжа
Старадарожскі РАУС выдаў пастанову аб прымусовым прыводзе ў суд сьвятара Леаніда Акаловіча. Яго абвінавачваюць у тым, што 19 красавіка ён удзельнічаў у несанкцыянаваным сходзе ў вёсцы Дражна. Тады ў вёсцы быў усталяваны шасьціканцовы крыж у памяць пра 25 мірных жыхароў, забітых чальцамі 2-й Менскай партызанскай брыгады 15 красавіка 1943 году, паведамляе БелаПАН.
08.05.2008 У Баранавічах невядомыя апаганілі будынак пратэстанцкай царквы "новае пакаленьне"
Будынак і брама пратэстанцкай царквы “Новае пакаленне” РО ХПЕ, што знаходзіцца па вул. Смаленскай, 28 у Баранавічах былі размаляваня надпісамі “Не верь секте” і знакамі абражаючымі рэлігійныя пачуцці веруючых.
31.03.2008 Хрысціянскія дэмакраты падвяргаюцца рэпрэсіям
Цягам апошніх дзён дзесяткі сябраў аргкамітэта БХД падвергнуліся рэпрэсіям. На рахунку незаконных дзеяньняў з боку дзяржавы звальненьне з працы рэгіянальнага каардынатара аргкамітэта БХД па Гомельскай вобласьці Паўла Наздры, зьняволеньні больш дзесяці сябраў аргкамітэта БХД, пакараньні ў выглядзе штрафаў, крымінальная справа, заведзеная на Кацярыну Салаўёву.
24.03.2008 Святара аштрафавалі за набажэнства
6 сакавіка ў судзе горада Жодзіна адбыўся суд па адміністратыўным матэрыяле начальніка Жодзінскага ГАЎС Шляхціна В.М. на адміністратара-пастара Царквы Хрысьціянаў Веры Эвангельскай “Царква Сьвятой Тройцы” Валянціна Лугоўскага. Яму прысудзілі штраф у памеры 175 000 руб. за парушэньне Закона “Аб масавых мерапрыемствах у РБ”.
19.03.2008 Вычварэнскія версіі мазырскай міліцыі пра абрад ахвярапрынашэньня чалавека
Пастар Царквы “Ісуса Хрыста” Мазыра патрабуе ад начальніка РАУСа разбіральніцтваў наконт лжывай інфармацыі пра абрад ахвярапрынашэння чалавека. Абрад, па словах супрацоўніка міліцыі, меў адбыцца ў будынку, дзе зарэгістравана царква.
14.03.2008 Пастара абавязалі разбурыць свой дом
Пастар пратэстанцкай царквы “Новае жыцьцё” атрымаў прадпісаньне з адміністрацыі Цэнтральнага раёну Менску разбурыць свой прыватны дом на вуліцы Рэпіна. Намесьнік кіраўніка адміністрацыі Зьміцер Навіцкі спасылаецца на тое, што дом выкарыстоўваецца не паводле прызначэньня, і рэканструкцыя будынку зроблена без дазволу. Вячаслаў Ганчарэнка лічыць, што прэтэнзіі спадара Навіцкага ёсьць супадзеньнем уласных інтарэсаў чыноўніка-бізнэсоўца з палітыкай уладаў у дачыненьні царквы.
10.03.2008 Пастара царквы " Новае жыцьцё" аштрафавалі
Суд Маскоўскага раёну Менску аштрафаваў пастара царквы “Новае жыцьцё” Вячаслава Ганчарэнку на 250 тысяч рублёў.
10.03.2008 Вернікі патрабуюць забараніць рэкламу экстрасэнсаў і астролагаў
350 жыхароў Менска, якія незадаволеныя прапагандай акультных практыкаў у СМІ выказалі сваю пазыцыю і даслалі ў Менгарвыканкам падпісныя лісты з патрабаваньнем “забараніць рэкляму “экстрасэнсаў”, “астролагаў”, “майстраў таро” ў СМІ і не дапусьціць эксперыментаў над духоўным і фізічным здароўем людзей”.
07.02.2008 Гродзенскія ўлады баяцца межрэлігійных канфліктаў
На працягу мінулага года на Гродзеншчыне была зарэгістравана толькі адна рэлігійная суполка-евангелістычных хрысціян баптыстаў у Наваградку. Астатнія, якіх па адзнаках незалежных экспертаў некалькі дзесяткаў , па тых ці іншых абставінах атрымалі адмовы.
07.02.2008 Урад бярэ пад кантроль дзейнасьць замежных сьвятароў
Савет міністраў зацьвердзіў новае Палажэньне аб парадку запрашэньня ў Беларусь замежнікаў для заняткаў рэлігійнай дзейнасьцю.
18.01.2008 Алесь Бяляцкі: “ Прысуд Аляксандру Зьдзвіжкову – прамое парушэньне Канстытуцыі”
Як паведамлялася раней, Менгарсуд вынес прысуд па справе былога намесьніка галоўнага рэдактара газэты «Згода» Аляксандра Зьдзьвіжкова. Ён прызнаны вінаватым у парушэньні артыкулу 130 ч 2. КК «Распальваньне рэлігійнай варожасьці» за перадрук карыкатур на прарока Мухамэда і асуджаны да трох гадоў зьняволеньня з адбываньнем пакараньня ў калёніі узмоцненага рэжыму.
18.01.2008 Зьдзьвіжкову далі 3 гады калёніі ўзмоцненага рэжыму
Былы намесьнік газэты “Згода” асуджаны Менскім гарадзкім судом за распальваньне рэлігійнай варожасьці. Адвакат Мая Аляксандрава заявіла, што абарона будзе абскарджваць рашэньне суду.
24.12.2007 Сьвятар Рэчыцкага касьцёлу змушаны быў пакінуць Беларусь
23 сьнежня грамадзянін Польшчы ксёндз Гжэгаж Худэк быў вымушаны пакінуць Беларусь. На пачатку лістапада мясцовыя ўлады без тлумачэньня прычынаў адмовілі ксяндзу Худэку ў далейшай рэгістрацыі. Паводле неафіцыйнай вэрсіі, прычынай былі выказваньні сьвятара наконт сацыяльных праблемаў у Рэчыцы, апублікаваныя ў газэце "Tygodnik wsсhodni".
28.11.2007 700 вернікаў з Рэчыцы папрасілі Лукашэнку не высылаць польскага ксяндза
700 вернікаў з Рэчыцы падпісалі ліст да Аляксандра Лукашэнкі з просьбай не высылаць з Беларусі польскага ксяндза Гжэгажа Худка. Ксёндз звярнуў на сябе ўвагу беларускіх ўладаў выказваннямі пра маральнае становішча беларускага грамадства.
