Навіны на тэму: СМІ
18.04.2008 Навіны на Гродзенскім тэлебачанні будуць выходзіць па-беларуску
Такое абяцанне кіраўніку гродзенскага ТБМ Аляксандру Місцюкевічу зрабіў мэр Гродна Аляксандр Антоненка.
16.04.2008 Гродзенцы выступілі супраць русіфікацыі мясцовага тэлебачання
Рада Гродзенскай гарадской суполкі партыі БНФ прыняла рашэнне звярнуцца да кіраўніцтва Гродзенскага тэлерадыёаб’яднання і аблвыканкама з заявай аб недапушчальнасці русіфікацыі тэлебачання і радыё.
03.04.2008 Літоўскім тэлежурналістам дагэтуль не вярнулі касету
«На сёння ніякага адказу ад беларускага боку на патрабаванне Літоўскага нацыянальнага тэлебачання (LRT) вярнуць адабраную 25 сакавіка касету з адзнятымі матэрыяламі і кампенсаваць выдаткі на рамонт зламанай падчас затрымання відэакамеры мы не атрымалі», — паведаміла 2 красавіка ў гутарцы з прэс-службай БАЖ карэспандэнт LRT Рута Рыбачаўскене.
31.03.2008 У Польшчы аб’явілі акцыю «Не — злодзеям з КДБ»
У сувязі з рэпрэсіямі супраць незалежных СМІ ў Беларусі і канфіскацыяй КДБ апаратуры ў многіх беларускіх журналістаў Фонд “Свабода і дэмакратыя” абвясціў акцыю “Не — злодзеям з КДБ. Аб’ектыў за аб’ектыў, камп’ютэр за камп’ютэр”, паведамляе "Радыё Рацыя".
28.03.2008 Белсат: У нас ёсьць запасны варыянт
Дзеяньні спэцслужбаў не перашкодзяць незалежным беларускім журналістам перадаваць інфармацыю пра падзеі ў краіне – лічыць кіраўнік адзьдзелу навінаў тэлеканалу “Белсат” Аляксей Дзікавіцкі. Спадарожнікавы канал будзе ўсімі магчымымі спосабамі дапамагаць сваім супрацоўнікам, на якіх беларускія праваахоўныя ворганы наладзілі сапраўднае паляваньне.
28.03.2008 “Для ператрусу дзьверы рэзалі аўтагенам”
Цягам дня 27 сакавіка ад раніцы ў Менску, а таксама ў шэрагу гарадоў па ўсёй Беларусі адбыліся ператрусы. Іх праводзілі супрацоўнікі КДБ у памяшканьнях “Радыё Рацыя”, “Эўрапейскага радыё для Беларусі”, тэлекампаніі “Белсат”, а таксама ў прыватных кватэрах журналістаў і ў офісах грамадзкіх аб’яднаньняў.
27.03.2008 Бабруйск і Магілёў: ператрусы ў журналістаў
Пад’езд незалежнага журналіста з Бабруйску Андрэя Шобіна заблакаваны машынай КДБ. Яго абвінавачваюць у працы на Белсат. Аднак Андрэя знайсці пакуль ня могуць. У міліцыі ёсць ордэр, падпісаны мінскім пракурорам Сістэмны блок сканфіскаваны пад час ператрусу у сябра БАЖА з Магілёва Генадзя Судніка. Сам ён на волі.
27.03.2008 Спецслужбы прэсуюць журналістаў па ўсёй Беларусі
Заблакаваны офіс “Еўрапейскага радыё для Беларусі”. Сайт не аднаўляецца. Зараз ідзе ператрус на кватэры, дзе жыве супрацоўнік "Радыё Рацыя" Пра гэта "НН" паведаміў супрацоўнік рэдакцыі. Як паведаміў супрацоўнік рэдакцыі, недзе ў 8.30 да менскага офісу радыё, якія здымаюць кватэру, прыйшлі супрацоўнікі КДБ. Яны стаяць на лесьвічнай пляцоўкі ля дзьвярэй офісу і затрымліваюць усіх, хто ідзе да дзьвярэй. Затрыманы Барыс Гарэцкі. Быў затрыманы журналіст "БелаПАН", які паехаў на месца высьвятляць падзеі, Аляксандар Янусік. Таксама, як паведамляе БАЖ, супрацоўнікі спэцслужбаў прыйшлі ў кватэру гомельскага журналіста Анатоля Гатоўчыца. Паводле папярэдніх зьвестак, падобная ж сітуацыя ў Берасьці, Віцебску, і Горадні, дзе прадстаўнікі спецслужбаў таксама спрабуюць трапіць у прыватныя памяшканні мясцовых журналістаў. На кватэры бярозаўскай журналісткі Шчапёткінай, якая супрацоўнічала з РР адбываецца ператрус. Ёй паказалі ордэр выпісаны ў Менску. Абвінавачваюць у клевеце на прэзыдэнта.
27.03.2008 Зараз ідзе ператрус на менскім офісе "Радыё Рацыя"
Пра гэта "НН" паведаміў супрацоўнік рэдакцыі. Як паведаміў супрацоўнік рэдакцыі, недзе ў 8.30 да менскага офісу радыё, якія здымаюць кватэру, прыйшлі супрацоўнікі КДБ. Яны стаяць на лесьвічнай пляцоўкі ля дзьвярэй офісу і затрымліваюць усіх, хто ідзе да дзьвярэй. Відаць, адзін з затрыманых ужо ёсьць, і гэбісты ўжо ў офісе.
26.03.2008 Не працуе сайт Хартыі’97
Як паведаміла «НН» каардынатарка сайту Натальля Радзіна: «А 12 й ночы На сайт «Хартыі» была зьдзейсьненая масавая DDOS атака. У часе яе канал сувязі з правайдэрам хостынг паслугаў забіваецца фальшывымі запытамі. Гэты мэтад ужо выкарыстоўваўся ў адносінах да нашага сайту пад час іншых акцыяў пратэсту і прэзыдэнцкіх выбараў. Атака доўжылася да 4 й раніцы. Пасьля спробаў адбіцца ад яе пачаліся праблемы з сэрвэрам. Цяпер тэхнічная служба спрабуе іх вырашыць. Спадзяемся, усё наладзіцца бліжэйшым часам».
19.03.2008 Затрымалі наклады газэтаў “Народная воля” і “Товарищ”
Намесьнік галоўнага рэдактара газэты “Товарищ” Зьміцер Яненка распавёў Радыё Свабода: “Як звычайна, у сераду мы везьлі адной машынай чарговыя нумары дзьвюх газэтаў – нашай і “Народнай волі” са Смаленску, дзе іх друкуюць у тыпаграфіі. Як толькі машына ўехала на беларускую тэрыторыю, яе затрымалі супрацоўнікі ДАІ. Пасьля 40-хвіліннай праверкі дакумэнтаў кіроўцу машыны загадалі ехаць у Дубровенскі РАУС”.
11.01.2008 У справе Аляксандра Зьдзьвіжкова абвінавачваньне замененае на больш цяжкае
А дзесятай гадзіне раніцы ў Менгарсудзе пачаўся працэс над былым намесьнікам галоўнага рэдактара газэты “Згода” Аляксандрам Зьдзьвіжковым, якога абвінавачваюць у распальваньні рэлігійнай варожасьці. Нагадаем, што яшчэ ў лютым 2006-га году ў газеце “Згода” былі перадрукаваны зь інтэрнэту карыкатуры на прарока Мухамэда.
10.01.2008 Блакуюцца незалежныя інтэрнэт-выданні
Прыкладна а 10 гадзіне раніцы адначасова перасталі адчыняцца інтэрнэт-старонкі беларускай службы радыё “Свабода” і Хартыі’97. З цяжкасцямі адчыняецца і сайт інтэрнэт-выдання “Беларускі партызан”.
04.01.2008 У Нясвіжы ў шапіках "Саюздруку" спынены продаж недзяржаўнай газеты
Нясвіжскае аддзяленне “Мінскаблсаюздруку” з Новага году адмовілася браць на рэалізацыю недзяржаўную газету “Нясвіжскі час”.
28.12.2007 Бабруйскі гарвыканкам адмовіў у акрэдытацыі журналістам недзяржаўнай газеты «Бобруйский курьер»
Бабруйскі гарвыканкам адмовіў у акрэдытацыі карэспандэнтам недзяржаўнай газеты «Бобруйский курьер» з прычыны «нематазгоднасці». Пра гэта гаворыцца ў лісце намесніка старшыні гарвыканкама Міхаіла Кавалевіча ад 5 снежня.
