Навіны на тэму: мітынг
08.05.2008 Суд па справе Сяргея Абразоўскага працягнецца 12 траўня
Cудзьдзя Пухавіцкага райсуду Сьвятлана Акуліч перапыніла разгляд адміністрацыйнай справы супраць грамадзкага актывіста Сяргея Абразоўскага. Яго вінавацяць у арганізацыі несанкцыянаванага мітынгу жыхароў у пасёлку Сьвіслач 29 сакавіка.
16.04.2008 У Менску ідзе суд па “Працэсу 14-ці” (аднаўляецца)
У судзе Цэнтральнага раёну сталіцы судзьдзя Алена Ільіна разглядае крымінальную справу па па ч.1 арт. 342 КК РБ – “Арганізацыя альбо актыўны ўдзел у групавых дзеяньнях, якія груба парушаюць грамадзкі парадак ", па якой праходзяць 14 моладзевых актывістаў. Сёньня на лаве падсудных 10 чалавек: Андрэй Кім, Міхаіл Пашкевіч, Аляксей Бондар, Уладзімер Сяргееў, Арцём Дубскі, Алесь Стральцоў, Алесь Чарнышоў, Антон Койпіш, Міхаіл Крываў і Тацяна Цішкевіч. Аляксандра Баразенку, Паўла Вінаградава, Міхаіла Субача і непаўнагадовага Максіма Дашука будуць судзіць пазьней, бо яны несвоечасова азнаёмілася з матэрыяламі справы. Андрэй Кім абвінавачваецца адразу па двух крымінальных артыкулах за дзьве акцыі прадпрымальнікаў - 10 і 21 студзеня.
10.04.2008 Хімзавод узьняў народ
Сёньня ў судзе Пухавіцкага раёну адбудзецца суд над жыхаром пасёлка Дружны Сяргеем Абразоўскім. Яго вінавацяць у арганізацыі недазволенага шэсьця і мітынгу пратэсту супраць будаўніцтва заводу па вытворчасьці ядахімікатаў.
27.03.2008 Крымінальная справа па падзеях 10 студзеня – у судзе
Крымінальную справу, якую распачала пракуратура супраць удзельнікаў акцыі прадпрымальнікаў 10 студзеня, перадалі ў суд Цэнтральнага раёну Менску.
24.03.2008 Арганізатараў мітынгу ў Дружным выклікалі ў міліцыю
Арганізатараў акцыі пратэсту ў пасёлку Дружны Пухавіцкага раёну выклікаюць вінавацяць у арганізацыі несанкцыянаванага мітынгу і шэсьця.
23.03.2008 У Пухавіцкім раёне 500 чалавек выйшлі на мітынг супраць будаўніцтва завода
Мітынг супраць будаўніцтва завода па вытворчасці сродкаў абароны раслінаў адбыўся ў пасёлку Дружны ў Пухавіцкім раёне. Ён не быў санкцыянаваны ўладамі. У акцыі ўдзельнічалі каля 500 чалавек. Мясцовыя жыхары запрашалі прыйсці і прадстаўнікоў улады, але яны не з'явіліся. Аднак прыйшлі супрацоўнікі міліцыі, якія не перашкаджалі людзям мітынгаваць.
07.03.2008 Новы абвінавачаны ў справе за мітынг 10 студзеня
20 гадовы Антон Койпіш зьвінавачаны ў парушэньні парадку і ў актыўным удзеле ў мітынгу прадпрымальнікаў 10 студзеня ў Менску. Сярод іншага хлопцу інкрымінуецца перакрыцьцё праспэкту Незалежнасьці. Антону Койпішу пагражае да трох гадоў зьняволеньня, а ў найлепшым выпадку — штраф. Антон Койпіш атрымаў паведамленьне пра адлічэньне з чацьвертага курсу мэханіка матэматычнага факультэту БДУ. Антон Койпіш — чатырнаццаты чалавек, які фігуруе ў крымінальнай справе, заведзенай у сувязі зь менскімі падзеямі 10 студзеня 2008 году.
04.03.2008 незаконныя арышты ў Салігорску
3 і 15 сутак арышту адпаведна незаконна прысуджаны салігорскаму маладафронтаўцу 18-гадоваму Зьмітру Банько і прадпрымальніку Ўладзімеру Шылу, бацьку лідэраў салігорскай філіі Маладога Фронту Івана і Ільлі Шылаў, за арганізацыю Сацыяльнага мітынгу ў Салігорску.
27.02.2008 Справу А.Кіма падрыхтавалі для перадачы ў суд
Сьледзтва ў крымінальнай справе супраць актывіста незарэгістраванай арганізацыі ”Ініцыятыва” Андрэя Кіма скончылася. Хлопца затрымалі 21 студзеня пры разгоне дэманстрацыі пратэсту прадпрымальнікаў. Яго абвінавачваюць у пагрозе супрацоўніку ДАІ. Пасьля таго, як Андрэй азнаёміцца з матэрыяламі справы, яе перададуць у суд.
26.02.2008 Пагроза Навумава завесьці 50 крымінальных справаў адносна ўдзельнікаў акцыяў амаль спраўдзілася.
Грамадзкіх актывістаў выклікаюць на допыт па крымінальнай справе за ўдзел у прадпрымальніцкай акцыі
22.02.2008 Новыя акцыі ў абарону сацыяльных гарантый
У Салігорскі выканкам ад імя кааліцыі дэмакратычных сілаў была пададзена заяўка на правядзеньне мітынгу. Заяўнікі разьлічваюць сабраць да 500 чалавек.
18.02.2008 Аляксандра Мілінкевіча адпусцілі
Лідэр Руху “За Свабоду” Аляксандр Мілінкевіч разам з паплечнікамі Аляксеем Кавальцом і Алесем Лагвінцом вызваленыя з ГУУС Мінгарвыканкама.
15.02.2008 Заяўнікаў мітынгу ў Баранавічах выклікаюць у суд 18 лютага
Заяўнікаў мітынгу ў Баранавічах — прадпрымальнікаў Мікалая Чарнавуса, Алега Пашко, Андрэя Макарава і Анатоля Радзькова — выклікалі позвамі ў суд. Як гаворыцца ў позьве, “у якасьці прыцягнутых па адміністрацыйным парушэньні”. Яшчэ аднаго заяўніка, Андрэя Кушніра, шукае міліцыя.
12.02.2008 На Баранавіцкім мясакамбінаце — пратэсты
На Баранавіцкім мясакамбінаце прайшоў стыхійны мітынг супраць закрыцьця цэхаў і масавага звальненьня людзей.
11.02.2008 Прадпрымальнікі ў Баранавічах адбілі ў міліцыі затрыманых апазіцыянераў
Прадпрымальнікі, якія выйшлі сёння на мітынг у Баранавічах, запатрабавалі ад міліцыі вызваліць затрыманых напярэдадні акцыі актывістаў “Маладога фронту” Яраслава Грышчэню і Вадзіма Бегеню. Калі хлопцаў адпусцілі, камерсанты разышліся.
