Навіны на тэму: БНФ
29.05.2008 Супрацоўнікі КДБ забралі ў сябра Партыі БНФ грошы
28 траўня ў Менску супрацоўнікамі КДБ быў затрыманы старшыня брэсцкай абласной суполкі Партыі БНФ Зміцер Шыманскі. Актывіста даставілі ў Дэпартамент фінансавых расследаванняў.
29.05.2008 У Гародні ліквідавалі абласную арганізацыю БНФ
Вярхоўны суд ліквідаваў Гарадзенскую абласную структуру грамадзкай арганізацыі БНФ “Адраджэньне”.
01.04.2008 Зноў пераследуюць Сяргея Мальчыка
31 сакавіка старшыня Гарадзенскай абласной арганізацыі партыі БНФ Сяргей Мальчык позвай быў выкліканы ў Ленінскі РАУС гораду Гродна. Яшчэ 25-га сакавіка пад час святкавання Дня Волі ў Гародні да яго падыходзілі міліцыянты з патрабаваннем прайсці ў аддзяленне і даць тлумачэнні. На гэта Сяргей Мальчык тады заявіў, што без афіцыйна аформленай позвы згодна з заканадаўствам, ён нікуды не пойдзе.
28.03.2008 Магілёў: Сяргея Нягаціна пакаралі штрафам
Суд Ленінскага раёну Магілёва ўчора пакараў актывіста партыі БНФ Сяргея Нягаціна штрафам у памеры трох базавых велічыняў – 105 тысяч рублёў. Судзьдзя Тацяна Рубіс прызнала актывіста вінаватым у зьдзяйсьненьні 14 сакавіка дробнага хуліганства.
25.03.2008 Аляксандра Кузняцова пакаралі штрафам
У судзе Кастрычніцкага раёну Віцебска завяршыўся суд над кіраўніком віцебскай філіі Моладзі БНФ Аляксандрам Кузняцовым, які быў затрыманы ўчора ўвечары. Суддзя Ірына Смалякова абвінаваціла актывіста ўдзеле ў несанкцыянаваным мерапрыемстве, хаця на судзе і не было даказана, што акцыя адбылася. Кузняцова прысудзілі да штрафу ў памеры 6 базавых велічынь.
15.03.2008 Затрыманьні ў Магілёве і Бабруйску
Актывіст партыі БНФ Сяргей Нягацін сёньняшнюю ноч правёў у Магілёўскім ізалятары часовага ўтрыманьня. Актывіста затрымаў учора блізу 23 гадзіны міліцэйскі нарад. Нагодай для затрыманьня сталіся нібыта непрыстойныя паводзіны Нягаціна. Паводле пратаколу затрыманьня, ён быў п’яны й лаяўся матам.
09.02.2008 Вярніце Зьмітру Жалезьнічэнку магчымасьць вучыцца! Заява Партыі БНФ
Суд Савецкага раёну г.Гомеля ў межах грамадзянскай справы аб незаконнасьці прызыву Зьмітра Жалезьнічэнкі яшчэ 01.02.2008 г. вынес вызначэньне аб прыпыненьні яго прызыву ў войска. Гэтае вызначэньне суду павінна выконвацца адразу і абскарджаньню не падлягае. Дакумэнты суду яшчэ на пачатку тыдня былі прадстаўленыя ў ваенкамат, які ажыцьцявіў прызыў у войска Зьмітра Жалезьнічэнкі. На жаль, у гэты момант ваенкамат, спасылаючыся на працэдурныя недасканаласьці, сабатуе выкананьне судовага вызначэньня.
19.01.2008 Міліцыя спрабуе затрымаць Алеся Міхалевіча
Напярэдадні мітынгу прадпрымальнікаў, які мае адбыцца ў панядзелак на Кастрычніцкай плошчы, можа быць арыштаваны намеснік старшыні Партыі БНФ Алесь Міхалевіч. Сёння яму тэлефанавалі з міліцыі, каб папярэдзіць, што мусяць уручыць позву ў РУУС. “Як раз перад вамі мне тэлефанавалі з міліцыі. Яны вельмі хацелі дазнацца, калі я буду дома, каб у рукі перадаць мне позву. Але, я думаю, яны не позву хочуць перадаць, а затрымаць мяне”, - паведаміў Алесь Міхалевіч Рацыі.
08.01.2008 Міліцыя адмаўляецца узбуджаць крымінальную справу за крадзеж маёмасці БНФ
Сталічная міліцыя адмаўляецца караць злодзеяў, што скралі трымальнік для сцягоў з будынку мінскага офісу партыі БНФ. Менавіта такі адказ Савецкі райаддзел сталічнай міліцыі накіраваў на адрас намесніка старшыні Партыі БНФ Алеся Міхалевіча ў адказ на ягоную заяву з нагоды крадзяжу трымальніка для сцягоў са сцяны будынку, дзе знаходзіцца мінская штаб-кватэра БНФ.
12.12.2007 Суды над удзельнікамі мітынгу прадпрымальнікаў завяршыліся позна вечарам
Апошняму ўвечары 11 сьнежня быў абвешчаны прысуд Віктару Івашкевічу — намесьніка старшыні Партыі БНФ асудзілі на 15 сутак. Справа зацягнулася, бо Віктар Івашкевіч, намесьнік старшыні партыі БНФ, заявіў у судзе, што ня можа пазнаёміцца з матэрыяламі справы, бо ягоныя акуляры засталіся ў міліцыі. Судзьдзя Аляксей Бычко, які разглядаў справу, абвясьціў перапынак, каб міліцыянты прывезьлі Івашкевічу акуляры..
10.12.2007 Віктара Івашкевіча затрымалі на Чырвонай
На вуліцы Чырвонай затрыманы намесьнік старшыні БНФ Віктар Івашкевіч. Ён быў на Кастрычніцкай плошчы падчас мітынгу прадпрымальнікаў, павітаўся са знаёмымі і сышоў. Зараз яго павезьлі ў Цэнтральнае РАУС. Спадара Івашкевіча вінавацяць ва ўдзеле ў несанкцыяваным мерапрыемстве.
12.11.2007 У Ваўкавыску КДБ спрабаваў сарваць сход Партыі БНФ
11 лістапада ў Ваўкавыску адбыўся сход Партыі БНФ па вылучэньні дэлегатаў на Зьезд, які заплянаваны на 8-9 сьнежня 2007 году. Сход праходзіў пад безупынны грукат у бляху дзьвярэй супрацоўнікаў міліцыі, якіх было 4 чалавекі. Пільнаваць сход ім дапамагала некалькі чалавек у цывільным. Пасьля заканчэньня мерапрыемства, калі фронтаўцы пачалі выходзіць з будынку, супрацоўнікі міліцыі зрабілі спробу перапісаць пашпартныя зьвесткі.
12.11.2007 У Ваўкавыску КДБ спрабаваў сарваць сход Партыі БНФ
Учора ў Ваўкавыску адбыўся сход Партыі БНФ па вылучэньні дэлегатаў на Зьезд, які заплянаваны на 8-9 сьнежня 2007 году. На сходзе прысутнічалі лідэр Партыі БНФ Вінцук Вячорка, яго намесьнік Алесь Міхалевіч, кіраўнік гарадзенскай абласной арганізацыі Сяргей Мальчык, кіраўнік Ваўкавыскай арганізацыі Мікалай Кавальчук, сябра Ўправы Партыі БНФ Уладзімер Кішкурна.
05.11.2007 Вінцук Вячорка быў затрыманы па дарозе на сход Партыі БНФ Гарадзенскага рэгіёну
4 лістапада, Горадня. Старшыня Партыі БНФ Вінцук Вячорка накіроўваўся ў Горадню, дзе сёньня меў адбыцца сход арганізацыяў Партыі БНФ Гарадзенскага рэгіёну. Па дарозе на сход аўтамабіль, у якім знаходзіўся Вінцук Вячорка, быў беспадстаўна затрыманы і адканваяваны ў Гарадзенскі гарадзкі аддзел ДАІ. Прычыну затрыманьня супрацоўнікі ДАІ пазьней патлумачылі нейкім "загадам".
26.09.2007 Пратакол адпраўлены на дапрацоўку, Івашкевіча адпусьцілі
Адміністрацыйную справу Віктара Івашкевіча меліся сёньня разглядаць у кабінэце судзьдзі Першамайскага раёну сталіцы Юрыя Гарбатоўскага, які знаходзіцца ў будынку ЖЭС па вуліцы Астрашыцкая. Аднак пратакол затрыманьня накіраваны судзьдзём на дапрацоўку. Ці адбудзецца паседжаньне, невядома.
