Навіны на тэму: Фінькевіч
21.05.2008 Артур Фінькевіч завочна асуджаны на 7 сутак
15 траўня 2008 году суд Першамайскага раёну завочна асудзіў намесьніка старшыні Маладога Фронту Артура Фінькевіча на адміністрацыйны арышт тэрмінам на 7 сутак. Падставаю да гэтага прысуду стаў пратакол, складзены супрацоўнікамі Першамайскага РАУС пасьля затрыманьня Фінькевіча каля Нацыянальнай бібліятэкі 1 траўня, дзе ён браў удзел у мірнай акцыі, прымеркаванай да Дня Эўропы.
06.02.2008 Фотарэпартаж вызваленьня Артура Фінькевіча
5 лютага ў Магілёўскім абласным судзе адбыўся разгляд касацыйнай скаргі палітвязьня Артура Фінькевіча. Калегія Магілёўскага абласнога суду пад старшынствам судзьдзі Ігара Прошкі нечакана для многіх пастанавіла зьмяніць вынесены 20 сьнежня прысуд раённага суду і вызначыла пакараньне, якое актывіст “Маладога Фронту” ужо адседзеў на гэты момант. Такім чынам, праз некалькі гадзінаў палітвязень апынуўся на волі.
05.02.2008 Алесь Бяляцкі: “Толькі пасьля вызваленьня ўсіх палітзьняволеных можна будзе казаць пра нармалізацыю адносінаў паміж уладамі і іх палітычнымі апанентамі!”
Калегія Магілёўскага абласнога суду, разгледзеўшы 5 лютага касацыйную скаргу па справе Артура Фінкевіча скасавала пастанову Кастрычніцкага суду Магілёва ад 20 снежня аб пакараньні Артура Фінькевіча паўтара гадамі зьняволеньня. Як паведамлялася раней, суддзя Ігар Прошка пастанавіў зьменшыць тэрмін пакараньня да 3 месяцаў, і з улікам часу знаходжаньня пад арыштам, вызваліць А.Фінкевіча з-пад варты.
05.02.2008 Фінькевіч - на волі
Сёньня ў Магілёўскім абласным судзе разглядаецца касацыйная скарга па справе Артура Фінькевіча. Верагодна, што тэрмін пакараньня можа быць зменшаны да 6 месяцаў. Як паведаміў ПЦ “Вясна” Зміцер Федарук, пракурор Каранькоў, які падтрымаў першапачатковы прысуд, кардынальна зьмяніў сваё стаўленьне на віны Фінькевіча.
04.02.2008 5 лютага ў 10-00 разгляд касацыйнай скаргі палітвязьня Артура Фінькевіча
Судовае паседжаньне адбудзецца ў Магілёўскім абласным судзе.
01.02.2008 5 лютага адбудзецца разгляд касацыйнай скаргі Артура Фінькевіча
У гэты дзень будуць разглядацца адначасова дзьве скаргі: пададзеную самім Артурам і адвакаткаю Ганнай Бахціною. Вядома, што судовае паседжаньне будзе адкрытым, але дакладнай інфармацыі наконт таго, ці будзе на судзе прысутнічаць Артур, няма.
24.01.2008 Адзін дзень палітвязьня Артура Фінькевіча
Радыё Свабода працягвае цыкл перадачаў “Адзін дзень палітвязьня”. Гэтым разам расповед пра зьняволенага моладзевага лідэра Артура Фінькевіча.
12.01.2008 Артура Фінькевіча перавялі ў камэру для асуджаных
Адмыслоўцы лічаць гэты крок незаконным да разгляду абскарджаньня ягонага прысуду.
24.12.2007 Моладзь пачала кампанію за вызваленьне Фінькевіча
Актывісты арганізацыі “Малады фронт” распачалі кампанію за вызваленьне свайго паплечніка Артура Фінькевіча, якога магілёўскі суд асудзіў да 1,5 гадоў зьняволеньня. Сёньня на тым месцы, дзе калісьці Артур Фінькевіч зрабіў графіці – ён напісаў падчас прэзыдэнцкай кампаніі “Дастаў!” і “Мы хочам новага!” –і дзе яго тады затрымалі, моладзевыя актывісты намалявалі яго партрэт і напісалі “Свабоду”.
21.12.2007 Жорсткі прысуд Артуру Фінькевічу: "Гэта ламаньне моцнай натуры"
Кастрычніцкі суд Магілёва пакараў палітычнага вязьня, актывіста “Маладога фронту” Артура Фінькевіча адным годам і шасьцю месяцамі зьняволеньня. Судзьдзя Натальля Крашкіна прызнала Артура Фінькевіча вінаватым у парушэньні артыкулу крымінальнага кодэксу “Ўхіленьне ад адбываньня пакараньня”. Паводле прысуду, пачаткам адбыцьця пакараньня лічыцца 26 кастрычніка.
19.12.2007 20-га сьнежня а 10:30 у Кастрычніцкім судзе Магілёву пачнецца судовае паседжаньне па справе Артура Фінькевіча
Моладзевы актывіст Артур Фінькевіч быў асуджаны 10 траўня 2006 года да двух гадоў абмежаваньня волі ("хіміі") за нанясеньне напярэдадні прэзідэнцкіх выбараў палітычных графіці "Мы хочам новага!" і "Дастаў!". Новая крымінальная справа супраць палітвязьня ўзбуджана па арт. 415 КК ("ухіленьне ад адбыцьця пакараньня ў выглядзе абмежаваньня волі), па якой яму пагражае да трох гадоў пазбаўленьня волі.
11.12.2007 Прызначана дата судовага паседжаньня над палітвязьнем Артурам Фінькевічам
Як паведаміў ПЦ "Вясна" магілёўскі праваабаронца Барыс Бухель, толькі што ў канцэлярыі суду ён даведаўся, што разгляд крымінальнай справы, узбуджанай у дачыненьні да палітвязьня Артура Фінькевіча, прызначаны на 20 сьнежня, пачатак паседжаньня ў 10-30.
11.12.2007 Кампанія салідарнасьці з Артурам Фінькевіча будзе моцная
10 сьнежня ў сядзібе БНФ засядаў грамадзкі камітэт салідарнасьці з палітвязьнямі. Галоўнае пытаньне на парадку дня – акцыі салідарнасьці з Артурам Фінькевічам, суд над якім можа адбыцца ўжо найбліжэйшым часам.
05.11.2007 Артур Фінькевіч спаткаўся з маці і каханай дзяўчынай
Дзьве з паловай гадзіны доўжылася спатканьне Артура Фінькевіча з маці Марыяй Вячаславаўнай ды сваёй дзяўчынай Людвісяй Атакулавай. У магілёўскім сьледчым ізалятары Артур і ягоныя родныя гаварылі праз слухаўку.
31.10.2007 Магілёўская пракуратура выставіла абвінавачаньне палітвязьню Артуру Фінькевічу ў новай крымінальнай справе — за парушэньне рэжыму падчас адбываньня пакараньня.
30 кастрычніка палітвязень сустэўся са сваёй адвакаткай ў магілёўскім ізалятары часовага ўтрыманьня. Гутарка доўжылася блізу чатырох гадзінаў. Магілёўскі праваабаронца Барыс Бухель паведаміў, што сьледзтва ў справе Артура Фінькевіча распачалося яшчэ 24 кастрычніка, і цяпер яму пагражае да трох год зьняволеньня. Магілёўская пракуратура для дакладнасьці вядзеньня справы знайшла перакладчыка, бо Артур Фінькевіч адмаўляецца гаварыць па-расейску.
