Навіны на тэму: пакараньне
04.09.2008 Пакараныя ў “справе 14-ці” фактычна пад хатнім арыштам
Пакараныя ў “справе 14-ці” пачалі станавіцца на ўлік, каб адбываць абмежаваньне волі за арганізацыю масавых беспарадкаў, якія нібыта мелі месца падчас акцыі пратэсту прадпрымальнікаў 21 студзеня. Згодна з прадпісаньнем, умовы пакараньня блізкія да хатняга арышту. Старшыня моладзевай камісіі Беларускай сацыял-дэмакратычнай партыі Алесь Стральцоў наведаў сёньня міліцыю Цэнтральнага раёну. Там яму ўручылі некалькі папераў, у якіх выкладзеныя правілы адбыцьця пакараньня.
24.04.2008 "Ганьба" беларускаму рэжыму
Абвешчаны ў судзе Маскоўскага раёну сталіцы прысуд Сяргею Парсюкевічу быў сустрэты крыкамі "Ганьба!". Гэта сапраўды злачынны прысуд: на лаве падсудных павінен быў быць супрацоўнік міліцыі Дулуб, які перавысіў свае службовыя паўнамоцтвы і зьбіў арыштанта.
24.04.2008 Сяргей Парсюкевіч пакараны на 2 з паловай гады зьняволеньня
23 красавіка суд Маскоўскага раёну сталіцы вынес прысуд лідэру віцебскіх прадпрымальнікаў Сяргею Парсюкевічу. Судзьдзя Уладзімір Аўдзеенка прызнаў яго віноўным у зьдзяйсьненьні крымінальнага злачынства, прадугледзжанага арт. 364 КК («Гвалт альбо пагроза ўжываньня гвалту ў адносінах да супрацоўніка міліцыі») і вызначыў меру пакараньня - 2 з паловай гады калоніі агульнага рэжыму. Таксама Сяргей Парсюкевіч абавязаны выплаціць міліцыянту Дулубу 1 мільён 100 тыс. рублёў кампенсацыі за маральныя пакуты.
21.04.2008 Пракурор патрабуе для Кіма 2 гады турмы
Пракурор запрасіў пакараць Андрэя Кіма 2 гадамі пазбаўленьня волі агульнага рэжыму. Моладзевых актывістаў М. Пашкевіча, А. Дубскага і А. Бондара – па 2,5 гады абмежаваньня волі (хіміі), астатнім – па 2 гады папраўчых працаў без накіраваньня в папраўчыя ўстановы. Адвакат Тацяны Цішкевіч Аляксандр Галіеў хадайнічае, каб дзяўчыну вызвалілі ад адбыцьця пакараньня.
25.03.2008 СЬПІС ЗАТРЫМАНЫХ І АСУДЖАНЫХ НА ДЗЕНЬ ВОЛІ (інфармацыя можа ўдакладняцца і выпраўляцца)
Па інфармацыі ПЦ “Вясна” сярод затрыманых у мірным сьвяткаваньні 90-х угодкаў Беларускай Народнай Рэспублікі ў Менску больш за 100 чалавек. Удзельнікі Дня Волі пакараныя буйнымі штрафамі і арыштамі, адміністратыўныя пратаколы, складзеныя на затрыманых непаўнагадовых, накіраваныя на адміністратыўныя камісі выканкамаў.
25.03.2008 Самы непалітызаваны суд у сьвеце
Беларускія суды змаглі пазьбегнуць палітызацыі і камэрцыялізацыі ў сваёй рабоце і пры разглядзе спраў грунтуюцца выключна на прынцыпах законнасьці і справядлівасьці, заявіў Аляксандар Лукашэнка, выступаючы сёньня на нарадзе судзьдзяў судоў.
20.03.2008 Аляксандру Казуліну паўторна адмоўлена ў змякчэнні пакарання
Пра гэта паведаміў “Інтэрфакс” са спасылкай на суразмоўцаў у калоніі “Віцьба-3”, дзе сядзіць палітык.
30.11.2007 Адміністратыўная камісія аштрафавала сям'ю салігорскіх моладзевых актывістаў Шылаў на 80 базавых велічыняў
28 лістапада адміністратыўная камісія ў Салігорску вынесла рашэньне па справах моладзевых актывістаў Івана і Ільлі Шыла, якія абвінавачваліся ў правядзеньні несанкцыянаваных акцыяў 16 кастрычніка і 7 лістапада. Сума вынесеных штрафаў па 5 адміністратыўных пратаколах складае больш за тысячу даляраў - 2 мільёны 480 тысяч рублёў (80 базавых велічынь). Як ужо паведамлялася раней, на такую ж суму была аштрафаваная вучаніца 10-га кл. Крысьціна Самойлава. Андрусь Тычына атрымаў папярэджаньне. Агулам камісіяй былі разгледжаныя 11 пратаколаў супраць моладзевых актывістаў.
19.11.2007 Пракуратура адмовілася апратэстоўваць прысуд А.Казуліну
Пра гэта абаронцу Аляксандра Казуліна паведамілі ў лісьце з Генэральнай пракуроры Беларусі, якой кіруе Пётар Міклашэвіч.
06.11.2007 Помста кіраўніцтва дзяржкантролю прадпрымальніку 3 мільёны 100 тысяч рублёў
Сёння Маладзечненскі раённы суд вынес прысуд мясцоваму прадпрымальніку Мікалаю Апяцёнку, які ўжо доўгія гады шукае праўду ў барацьбе з раённым дзяржкантролем.
11.10.2007 Берасьцейскі абласны суд не задаволіў касацыйных скаргаў двух сябраў Партыі БНФ Сяргея Лазенкі і Яўгена Бяласіна.
За ўдзел у прэзентацыі кнігі былога палітвязьня Паўла Севярынца "Лісты з лесу" суд пакараў актывістаў штрафам, палічыўшы мерапрыемства несанкцыянаваным.
05.10.2007 Юры Істомін дамагаецца справядлівасці
Сёньня, пасля пяці сутак адміністрацыйнага арышту, выйшаў на волю Юры Істомін, старшыня Гродзенскай абласной арганізацыі партыі АГП. Ён быў асуджаны суддзёй суда Кастрычніцкага раёну г. Гродна Зінаідай Барцэвіч за распаўсюд сярод жыхароў гораду інфармацыйных матэрыялаў.
28.09.2007 Рэпрэсіі актывістаў апазыцыі перад Эўрапейскім маршам узмацняюцца
У Менску і іншых гарадах працягваюцца судовыя працэсы над актывістамі апазыцыі. Многія справы зацягваюцца. Працяг судовых пасяджэньняў прызначаюць на кастрычнік – за тыдзень да правядзеньня Эўрапейскага маршу “За Свабоду”. Актывісты апазыцыі лічаць, што гэта робіцца наўмысна, каб ізаляваць іх потым на час правядзеньня акцыі.
18.09.2007 Гродзенская студэнтка, ахвяра следчага эксперыменту, асуджаная на 4 гады калоніі, выйшла на свабоду.
Аднак віну з яе не знялі, замяніўшы прысуд на 3 гады абмежавання волі. Ад 3 верасня Маргарыта знаходзіцца дома, а не ў калоніі. У той жа час зараз яна павінна вяртацца дахаты не пазней за 19-ю гадзіну, пастаянна адзначацца ва ўчастковага інспектара.
17.09.2007 А.Пушкін: "Пасьля арышту я мусіў наведаць поле Аршанскай бітвы"
16 верасьня ў Воршы з ізалятара часовага ўтрыманьня выйшлі на волю мастак Алесь Пушкін і моладзевы актывіст Аляксей Янушэўскі. Яны адбылі 7 сутак арышту паводле абвінавачаньня ў дробным хуліганстве пасьля затрыманьня на бардаўскім фэсьце "Аршанская бітва-2007".
