Навіны на тэму: Вярхоўны суд
17.06.2008 Маці Зьмітра Жалезьнічэнкі зьвярнулася да старшыні Вярхоўнага суду
Маці былога гомельскага студэнта-выдатніка, а цяпер салдата тэрміновай службы Зьмітра Жалезьнічэнкі ад імя сына накіравала заяву старшыню Вярхоўнага суду Беларусі. Ала Жалезьнічэнка просіць праверыць законнасьць судовых пастановаў раённага і абласнога судоў, які прызналі абгрунтаваным другое адлічэньне Зьмітра з трэцяга курсу матэматычнага факультэту Гомельскага дзяржаўнага ўнівэрсытэту імя Ф.Скарыны, як сказана, за парушэньне правілаў унутранага працоўнага распарадку
30.05.2008 У Вярхоўным судзе не задаволілі скаргу ГА "БНФ "Адраджэньне" на Міністэрства юстыцыі
30 траўня ў Вярхоўным судзе Беларусі было вынесенае рашэньне па скарзе грамадзкага аб’яднаньня “БНФ “Адраджэньне” на Міністэрства юстыцыі. Скарга Вярхоўным судом не задаволеная.
03.05.2008 Праваабаронца Раман Кісляк абскардзіў пастанову райсуда ў Вярхоўным судзе
У дакуменце, накіраваным старшыні Вярхоўнага суду, праваабаронца зважае на тое, што суд неабгрунтавана прызнаў сход у офісе Партыі БНФ несанкцыянаваным масавым мерапрыемствам, на якое патрабуецца дазвол органаў выканаўчай улады. "Такое тлумачэнне заканадаўства і практыка яго ўжывання прыводзіць да фактычнай ліквідацыі свабоды мірнага сходу ў Беларусі", - заяўляе ў сваёй скарзе праваабаронца.
17.04.2008 Праваабаронцы абскарджваюць рашэньне Вярхоўнага суду
17 красавіка 2008 г. заснавальнікі Грамадзкага праваабарончага аб'яднаньня "Вясна" зьвярнуліся з нагляднай скаргай на імя старшыні Вярхоўнага Суда Рэспублікі Беларусь, у якой просяць адмяніць рашэньне Вярхоўнага суду па скарзе на адмову ў рэгістрацыі аб'яднаньня. Пасьля праходжанья ўсіх нацыянальных судовых інстанцыяў праваабаронцы плануюць зьвярнуцца ў Камітэт па правах чалавека ААН.
22.02.2008 Палітвязьню Аляксандру Зьдзьвіжкову зьмянілі тры гады на тры месяцы, якія ён ужо адседзеў
Сёньня калегія Вярхоўнага суда, разгледзеўшы касацыйную скаргу журналіста на прысуд Мінскага гарадзкога суду, прыняла рашэньне зьменшыць тэрмін вынесенага пакараньня з 3 гадоў пазбаўленьня волі да трох месяцаў, улічыўшы стан здароўя журналіста і неабходнасьць утрымліваць старую маці. Паколькі трохмесячны тэрмін зьняволеньня скончыўся, Зьдзьвіжкова вызваляць ужо сёньня. Разам з тым, Вярхоўны суд палічыў віну журналіста даказанай.
22.02.2008 Прэсу на разгляд касацыйнай скаргі Здвіжкова не пусцілі
Прадстаўнікам СМІ не дазволілі ўвайсці ў будынак Вярхоўнага суда, дзе сёння ў 9.30 пачаўся разгляд касацыйнай скаргі Аляксандра Здвіжкова. Пакуль невядома, ці дазволяць журналістам прысутнічаць на абвяшчэнні выніковай часткі рашэння.
14.02.2008 Разгляд касацыйнай скаргі журналіста Аляксандра Зьдзьвіжкова ў Вярхоўным судзе адбудзецца 22-га лютага
Разгляд скаргі пачнецца а 9.30 раніцы. Пра гэта Радыё Свабодзе паведамілі ў канцылярыі Менскага гарадзкога суду.
06.02.2008 Вярхоўны суд пакінуў у сіле папярэджаньне КХП БНФ
Сёньня судзьдзя Вярхоўнага суду Беларусі Валер Самалюк вынес рашэньне паводле пазову Кансэрватыўна-хрысьціянскай партыі да Міністэрства юстыцыі.
30.01.2008 Мінюсту растлумачылі, што ёсьць хрысьціянскія каштоўнасьці
29 студзеня ў Вярхоўным Судзе адбыўся разгляд скаргі на рашэньне Міністэрства юстыцыі аб адмове ў рэгістрацыі сацыяльна-грамадзкага аб’яднаньня БХД. Прычыны для адмовы былі ўмоўнымі: некалькі нязначных памылак у пісьмовым афармленьні дакумантаў, безумоўна, самай цікавай падставай для адмовы стала сьцьвярджэньне Мінюсту, што ў дакумантах не пазначана, што ж такое хрысьціянскі каштоўнасьці, на якіх грунтуецца “Беларуская хрысьціянская дэмакратыя”.
11.01.2008 Звольнілі за абарону мовы?
У адпаведнасці з пунктам 11 артыкула 84 Канстытуцыі Рэспублікі Беларусь кіраўнік дзяржавы Аляксандр Лукашэнка сваім указам пастанавіў вызваліць Рыгора Васілевіча ад пасады старшыні і суддзі Канстытуцыйнага Суда Рэспублікі Беларусь у сувязі з завяршэннем тэрміну паўнамоцтваў і выхадам у адстаўку з далейшым інфармаваннем аб яго вызваленні Савета Рэспублікі Нацыянальнага сходу Рэспублікі Беларусь.
09.01.2008 Міністэрства юстыцыі настойвае на ліквідацыі партыі камуністаў
Міністэрства юстыцыі падало пазоў у Вярхоўны суд аб ліквідацыі Партыі камуністаў Беларускай. У пазове адзначаецца, што нават пасля пісьмовых папярэджанняў, камуністы працягвалі парушаць заканадаўства.
19.12.2007 Вярхоўны суд не задаволіў скаргу Руху “За Свабоду”
У Вярхоўным судзе адбыліся слуханні па скарзе аргкамітэта ПАГА “Рух “За Свабоду”. Рашэнне Мінюста аб нерэгістрацыі аб’яднання пакінута без зменаў.
07.12.2007 Вярхоўны суд разгледзіць скаргу заснавальнікаў Руху “За свабоду”
Судовы працэс пачнецца 18 сьнежня. Пра гэта нашаму радыё сёньня паведаміў Юрась Губарэвіч -- адзін з трох заяўнікаў скаргі. Ён разам з Аляксеем Кавальцом і Аляксандрам Мілінкевічам ад імя заснавальнікаў Руху “За Свабоду” патрабуюць ад Міністэрства юстыцыі скасаваць рашэньне, якое адмаўляе ім у рэгістрацыі.
22.11.2007 Цэнтральны камітэт Партыі камуністаў Беларускай накіраваў скаргу ў Вярхоўны Суд Рэспублікі Беларусь
У ёй гаворыцца, што ўпраўленне юстыцыі Гродзенскага і Гомельскага аблвыканкамаў адмаўляюць у пастаноўцы на ўлік арганізацыйных структураў партыі, спасылаючыся на рашэнне Вярхоўнага Суду.
19.11.2007 Жыхар Гомеля Сяргей Сямёнаў дамогся справядлівасці ў Вярхоўным Судзе
Згодна пастанове, папярэднія рашэнні ніжэйшых судовых інстанцый адмяняюцца, а дзяржаўная мытня абавязуецца выплаціць маладзёну суму ўтрыманага штрафу.
